【法證先鋒IV】親熱戲男友睇眼冤 　陳煒：唔想睇到，咪唔好睇

無綫熱播劇集《法證先鋒IV》今日（5/3）於電視城舉行「發揮活力顯愛心」活動，劇集自播出以來，收視及口碑均創下佳績，一眾演員在總監製梅小清帶領下公布第12集（3月3日）直播收視達33.7點，超過二百萬人收看，更打破6年前紀錄最高收視，成績令人相當鼓舞。陳煒表示：「其實我覺得會Keep住會繼續升嘅，嚟緊之後仲會有好多單元故事都好精彩，可以令觀眾睇得入神，唔會只係單一睇一個故事咁悶。」

煒哥與鄭子誠在劇中飾演夫妻關係，雙方難免有親熱戲份，被問拍親熱戲男友會否介意？煒哥直言：「其實冇咩嘢啫，我哋做演員要演好個劇本係一個本能嚟，所以冇話有啲咩避忌嘅，如果佢唔想睇到嘅，咪唔好睇囉，不過其實佢接受程度都好強嘅，我相信暫時都唔會有過激嘅情慾戲要我拍，假如有嘅話，到時先再同男友探討下。」