【法證先鋒IV】劇情需要戴黑超 黃浩然被囝囝笑：你扮有型呀？
撰文：吳子生
出版：更新：
黃浩然今日（5/3）現身電視城出席無綫劇集《法證先鋒IV》之「發揮活力顯愛心」宣傳造勢活動。對於今日公布第十二集（3月3日）直播收視達33.7點，衝破六年前紀錄，浩然表示：「其實真係冇諗過會咁高收視，能夠喺呢個疫症情況下大家悶悶地，發放一啲正能量畀觀眾同大家打打氣。」
《法證先鋒IV》每集情節緊湊萬分，作為法證部高級化驗師高Sir(黃浩然飾）當然每晚𥄫實部電視緊貼住案情的發展：「今次我有太太及兩個囝囝一齊陪我睇，而我兩個囝佢哋一路睇，就一路問一啲好得意嘅問題，但好多時我都唔會理佢，試過有一幕我好記得，講我落車到案發現場時，攞咗一副太陽眼鏡出嚟戴，之後阿囝就話我：『爸爸你扮有型呀？』，跟住我話唔係呀，仲要解釋畀佢知戴太陽眼鏡嘅原因，係因為陽光猛烈，對眼擘唔開，咁所以要戴返副太陽眼鏡，方便喺案發現場睇清楚啲證物。」
【3日2夜】傅嘉莉派泳照福利 被網民彈太密實：你哋好高要求呀！【新冠肺炎】鄭俊弘無懼美加疫情 婚禮計劃如常：會好快受控！【新冠肺炎】天價口罩充斥市面 伍樂怡直斥：趁火打劫【學是疫學非】何依婷獲益良多 提高抗疫意識：搞到好有潔癖