【大帥哥】「天嬌」譚凱琪磨劍18年　入TVB等挑戰：希望繼續進步

2012年，余詠珊再次回歸無綫電視擔任綜藝科總監一職，及後陸續有不少她的愛將轉投無線旗下，當中包括一眾有線主播例如洪永城、黄翠如、陳貝兒、陸浩明以及出爐視后李佳芯等等，均被稱為「余黨」。「余黨」加入無綫後，很多都極速上位，同時極速洗甩「有線味」，甚至有部分觀眾不知道這班「新面孔」曾是有線主播。

經過6年的努力，多個「有線幫」都榮升一線小生花旦：

發力最遲的有線幫？

同樣是「有線幫」，若論「可見記錄」，譚凱琪（Zoie）在無綫的成就，或未及以上幾位，膚淺而言，Zoie未有與作何一個節目／劇集畫上等號。對此，Zoie並不妒忌：「無得咁樣去比較，佢哋都係我嘅好朋友，見到佢哋嘅成就，我都好戥佢哋高興。我只會同自己比較，入咗無綫5年，我亦都睇到自己有明顯嘅進步，我唔係話要爭啲咩獎，但最緊要係見到自己嘅成長，咁先可以繼續做到唔同嘅角色。」近日無綫劇集《大帥哥》全城熱播，當觀眾們都為張衛健重返無綫拍劇而歡呼喝采的同時，也增加了他身旁角色的曝光率和知名度，而Zoie在劇中正正飾演「大帥哥」的妻子葉天嬌。

天嬌＝譚凱琪＝Annie姐

「好開心，因為個保安姐姐最近都嗌我『天嬌』，而唔係譚小姐！」當角色名稱成為真人暱稱，這代表住Zoie成功將「天嬌」化成自己的一部分。其實今次Zoie在劇中角色很有挑戰性，除了需要經常與張衛健這高手過招之外，又要演出「間碟」亦正亦邪的矛盾，又要有一種對張衛健又愛又恨的感覺，這種身份、情緒、性格上的轉變不定，對Zoie而言實屬演技考驗。其實Zoie並不是第一次享受到角色名變為暱稱的榮譽，對上一次是去年《不懂撒嬌的女人》中的Annie姐：「嗰時我去行商場，啲售貨員都會嗌我做Annie姐，我當時個感覺就好似喺劇入面巡鋪咁。其實有呢個現象我真係好開心，因為證明有人睇，有人留意我嘅演出。」

Zoie曾做「視后」上位

其實在天嬌和Annie姐出現之前，Zoie在劇集的表現亦曾多次引起網民討論，最經典的可謂去年《踩過界》中，她飾演一名行為藝術家魏雨珍，劇中她利用自己赤裸的身體去表達人生和女性的價值和意義，當時的一幕「全裸」震撼了觀眾的眼睛，Zoie回憶當時收到劇本的感受謂：「我唔係因為可以性感演出而去做呢個角色，我知道演員係好被動，但如果自己接受唔到就去拒演嘅話，咁會令到自己嘅演戲受到好多限制。而且演員可以透過唔同角色去做另一個自己，加上我覺得呢個角色好有發揮。」而在《踩過界》之前，Zoie的美背亦曾在《致命復活》中展現過。

18年所儲下的子彈在《大帥哥》大派用場

Zoie在2000年以歌手身份入行，至2007年加入有線電視，參與過多輯旅遊和飲食節目包括《活得很滋味》、《四個轆》系列等，但Zoie在2013年加入無綫後，隨即在單元劇《我們的天空》擔任單元主角，踏上演員之路，自此幾乎與旅遊飲食絕緣。踏入37歲Zoie的演員道路開始萌芽，問她會否覺得有繞路的感覺？她極力否認：「以前喺舊公司，我可以話係一個摸索階段，我所做嘅節目，全部都係經驗，係一點一滴咁累積。但去到一個位，我覺得自己需要一個轉變，畀自己一個衝擊，嚟到無綫之後拍劇，呢個係我一直都想做嘅事。」及後Zoie在5年間參演過超過10部劇集，無一不堅持「對得住自己」的心態用心演繹，而Zoie在《大帥哥》的演出無疑受到不少人的關注，大部分都是正面回應，對比之前有明顯進步。哪，天嬌又會否她最滿意的演出？Zoie直言：「我會話係。因為我覺得自己每一個演出都會學到更加多嘅嘢，即係話愈後嘅角色就有愈多經驗。之前嘅作品，我係儲緊子彈，我好希望我可以繼續咁進步落去，呢樣先係我最想要嘅嘢。」

點擊下圖重溫Zoie如何儲子彈：