榮陞老闆做蛋糕　新年第一撃賣年糕　譚凱琪：將收入投資落去

譚凱琪有份演出的《平安谷之詭谷傳說》上星期就已經大結局，相信有不少人都對她在劇內自剪頭髮的一幕印象深刻，獨立而有個性的女性角色其實真係幾好睇。

現實中譚凱琪一樣唔差，近來更創新立了自家食品品牌《Sweet Artz》。第一擊更是農曆新年必須有的年糕、蘿蔔糕。「因為我同我partner都好鍾意糕點，蛋糕。其實我哋呢個牌子《Sweet Artz》係打算出一系列嘅糕點，女仔鍾意嘅甜品、曲奇、蝴蝶酥等等。不過暫時我哋都係諗住俾人網購住先，但係『試下水溫』。同埋呢個都係我新一年嘅目標。」

其實譚凱琪在這個品牌中亦投資了不少。她透露：「今次都投資咗6位數字，都唔係好敢投資太多。我都會將自己收入投資喺個品牌度。我覺得決定咗要做，就要做好佢。希望可以多啲人支持同埋鍾意啦。」