【假若愛有期限】林耀聲拒與老拍檔談善言戲假情真:同佢太熟喇!

撰文:李文偉
出版:更新:
林耀聲、談善言與陳子豐日前為ViuTV劇集《假如愛有期限》開工,三人到劇組於廢墟工廠搭建的殮房以及監獄外景拍攝。林耀聲再次與談善言合作,形容對方是老拍檔,但堅拒劇假情真:「同佢太熟喇,之前電影都有合作過,所以都好有默契,所以都預計今次會好順利。(怕唔怕傳緋聞?)唔會啦,因為我地只繫好朋友,即時落閘!」

林耀聲在監獄外景拍攝,即時擺出肉緊表情,他透露年青時曾因打交被捕,要家人到警局保釋而體驗到「坐監」的滋味:「嗰時仲好細個,因為打交比人拉咗返警局,搞到我要打比媽咪保釋,佢一去到差館就喊曬口,我知道佢內心的痛,所以我告誡自己唔可以犯事令佢痛心。」
而陳子豐則與談善言在殮房拍攝,為求安心子豐更向師傅取經以保平安:「佢地教我去呢類場景拍攝唔好亂講嘢,覺得唔舒服內心就唸平安經文,但系你知啦,如果現場口嗡嗡,人地隨時以為你係傻,所以有咩都系扮睇唔到算啦。」談善言則指自己「額頭高,不擔心靈異傳聞:「我又真系冇見過,就算我搬屋大家叫的拜四角都冇做,所以不信則無。但系頭先我見到殮房場景其中一格,擺曬好多宗教神像,見到都真系比佢嚇一跳。」
+7
EXID正花首演港劇《假若愛有期限》 林耀聲:冇叫我Oppa有啲失望【兄弟班】陳家樂、林耀聲苦練音樂 延續温拿兄弟情【告別之前】談善言為演癌症病人自決剃光頭 「導演仲驚我唔肯」鄧萃雯接拍ViuTV新劇撼無線 談善言放心絕無「飛紙仔」發生