【救妻同學會】胡鴻鈞三度提名男飛躍獎　老婆劉佩玥竟然唔撐！

TVB劇集青春偶像劇集《救妻同學會》今晚（25日）開播，胡鴻鈞（Hubert）和劉佩玥（Moon）兩位歡喜冤家多次合作終於收成正果成為夫妻，更首次擔正男女主角，阿Moon直言非常考驗自己的演技：「首先因為要我暗戀胡鴻鈞仲要同你結為夫婦，好難演啊！所以我落咗好多心機！」Hubert亦「大讚」拍檔做得好：「你都做得幾自然吖，唔係點入圍『最受歡迎電視女角色』啊？」

劇集雖未播出，但二人都已經憑劇入選「萬千星輝頒獎典禮2018」的「我最喜愛電視男女角色」，會否覺得有輸蝕？Hubert表示：「我覺得有得入圍成為提名嘅其中一個已經係一個好大嘅認同，攞唔攞到獎都唔係最重要，最重要係受到觀眾嘅喜愛。」Hubert今年更被提名「飛躍進步男藝員」，是他連續第三年入圍此獎，他表示再次被提名感到高興，因為這代表每年都有進步，但他卻看好陸浩明：「因為佢喺主持嗰方面真係好出色，喺唔同綜藝都可以撐起到成個節目，口才又好轉數又快！」

Hubert問阿Moon有咩心水，她竟然唔撐Hubert：「好似你咁講，6號啦，何廣沛啦，因為我今年同佢合作《跳躍生命線》，咁第三個呢⋯⋯就係胡鴻鈞！」Hubert窮追不捨：「咁所以你會將呢一票投畀？」阿Moon大賣關子：「跟住之後我講話我投畀張振朗，哈哈！我唔知啊！」