【救妻同學會】拍到要走火警　劉溫韾：我即刻除咗套恐龍衫

由胡鴻鈞和劉佩玥主演的青春劇《救妻同學會》拍攝進行得如火如荼，一眾型男美女演員包括朱智賢、伍富橋、黃美棋、劉溫馨和蔚雨芯等都不時會在社交平台上載拍攝過程，實行寓工作於娛樂。但在昨天（5日），胡鴻鈞、劉溫馨和蔚雨芯等就分別在IG透露拍攝途中遇上火警，二十多名工作人員慌忙逃生。

劉溫馨接受《香港01》訪問時就透露嚇餐飽，她表示：「喺夜晚12點幾，我哋成班人喺新蒲崗一間工廠大廈拍攝，係我同蔚雨芯間房個景嚟。化緊妝嗰陣，我突然聞到煙味，開頭都不以為意，但之後再有兩個工作人員就發現勁大煙，再唔走就可能會有危險，所以我哋就拿拿臨執晒啲身家財產走火警。」

當時身穿恐龍睡衣戲服的劉溫馨就笑言當時自己臨危不亂，馬上換回自己的衣服：「雖然嗰陣好驚，但我九秒九就換返套恐龍睡衣，因為我好驚如果樓下好大火，我呢件衫會好易燒着。我仲帶咗支礦泉水走，萬一好大煙都可以幫幫手。」

劉溫馨亦表示當時胡鴻鈞、朱智賢和蔚雨芯都在場。逃生過程中大家都好驚，但胡鴻鈞就不停叫大家冷靜：「胡鴻鈞好man，佢仲幫其中一個女演員拎袋走。雖然當時消防員叫我哋行另一條樓梯，但我哋又唔知另一條樓梯，情況好混亂，但胡鴻鈞都係咁叫我哋冷靜。雖然最後都搵唔到另一條樓梯，兜咗個圈又返咗原本嘅地方，但最後大家都無事，無人受傷最緊要。」

事後，劉溫馨就透露工作人員笑言是她身穿恐龍衫噴火而導致發生火警：「其實我上一次着恐龍衫等咗兩個鐘都拍唔到，今次又發生火警，可能件衫黑住我。但最緊要大家安全，聽講場火都熄咗啦。」