【救妻同學會】黃美棋回巢無綫瞓身演出：廿年首次剪短頭髮！
撰文：吳子生
出版：更新：
無綫劇集《救妻同學會》今日（12/10）一眾演員齊集彩虹遊樂場公園拍攝現場，為新劇宣傳造勢。黃美棋（Meiki）透露回歸無綫後首部劇集，「開好心監製關樹明搵我做丁嘉敏呢個角色，套劇係會穿越時空，所以會有兩個造型，起初係孖辮妹先，後期係一個成熟短頭髮嘅造型，係我20幾年第一次剪短把頭髮，其實我等左呢個角色機會等左好耐，我好希望因為喺個角色造型有啲突破，在演戲方面，我特別請語言導師學講說話，改變自己本身說話語調，從新調整配合角色需要，跟足導師指導每日鍛煉。」
監製特別安排伍富橋與Meiki有感情線，但只是暗戀最終未能開花結果，原來現實中Meiki初中時期，被人暗戀就試得多。「試過有個男仔隔日就會寫一封情書放喺我書枱櫃桶，其實嗰個男仔我知係邊個，呢個情況持續咗一年，信嘅內容都係寫好想念你呀，睇完之後就掉咗了。」