【跳躍生命線．專訪】羅天宇係女神收割機？　「公開都因為認真」

《跳躍生命線》中，除了劇內見習救護主任譚Sir（羅天宇飾）與急症室護士滿月（陳瀅飾）這對青梅竹馬的發展備受關注之外，劇外兩人的緋聞更是不絕於耳。講明是緋聞，其實就說明了一切都是「煲水新聞」。入行10年以內，絕大部份羅天宇相關的報導都是緋聞戀情，對此他亦帶點無奈的說道：「唯有做好自己，咁人哋點樣睇都冇辦法嘅。」

【跳躍生命線．專訪】羅天宇入行10年31歲先開始衝：最緊要而家醒

公開戀情是因為認真
「真嗰啲冇得講啦，假嗰啲真係唔希望有。但係有陣時見到都會唔好意思㗎嘛，影響咗人哋。」說起現任「緋聞」女友陳瀅與他，他苦笑的說。「好似連累到佢咁，因為我係好多呢啲㗎嘛。（羅天宇想了一下）我連拉姑（郭少芸）都試過傳緋聞，哈哈哈。（拉姑唔好咩？）好好！但係佢喺《愛·回家》入面係我嘅拉姑嚟㗎嘛！很多時候，羅天宇真的是「躺著也中槍」。那麼到底羅天宇與陳瀅是不是發展中呢？羅天宇表示大家只是朋友，會一班朋友一起吃飯行街那種。

說起羅天宇的愛情史，真的「三日三夜都講唔晒」，公開過的就已經有3位圈內人，沒有公開的豈不是更多？「真嗰啲我真係認真拍拖，唔係玩㗎嘛。公開都係因為認真，想繼續行落去先至公開啫。」羅天宇續說：「即係咁啱遇到自己鍾意嘅女仔，我又唔係玩完（就算）嗰啲，我係認真嘅。我覺得主要係我俾人感覺唔夠努力，所以俾人感覺就淨係拍拖。咁，我會努力啲㗎啦。」到底是羅天宇天真的認為公開戀情就表示認真呢？還是娛樂圈太黑暗，高調的談戀愛也會被標籤為「花花公子」。

羅天宇​是名符其實的「女神收割機」
「人生入面有幾多個女朋友吖？等我諗下先。1，2，3...5個囉。（幾多個係圈內人？）兩個囉。（即係Coffee同靚湯？）哦，唔係，唔...3個。（仲有個係邊個？）之前同苟姑娘都拍過。」環顧當今女神之列，羅天宇的前女友名單就佔了其中三位（苟芸慧、林芊妤、湯洛雯），真是人生如此夫何求！又難怪網友將他冠以「女神收割機」之名（當然還有宅男公敵、女人湯圓）。羅天宇笑一笑就解釋道：「其實我同佢哋一齊嘅時候佢哋仲未係女神。（啲人好葡萄你。）可能係佢哋覺得我唔值得、唔夠好。我覺得唯有就係做好自己。」

跟「女神」談戀愛是不是特別麻煩，所以都只推持了一段短時間？羅天宇解釋說：「我係一個比較悶嘅人，所以心思唔係好多。冇乜新意，好鍾意留喺屋企唔做嘢。我都試過俾之前嘅（女朋友）話過我唔學嘢，唔增值自己，都有因為呢啲而有拗撬。同埋我氹人好渣。（送花?）好少。（生日呢?）生日買蛋糕囉。」言語之間羅天宇似是為著以前沒有氹過女朋友而懺悔。

羅天宇表示自己性格相當順得人意，退一步說亦可以說是「冇主見」。「成長嚟講係冇咁好，因為自己冇乜諗法，乜嘢都係屋企人決定，長遠唔work囉。（攞個平衡？）就係個平衡好難攞。當你就晒100%，2，3年後當你有一嘢唔就，就瀨嘢。」