【是咁的，法官閣下】羅天宇初嘗郭富城「頭」：我駕馭唔到
撰文：賴家杰
出版：更新：
羅天宇今天（28日）出席《是咁的，法官閣下》的宣傳活動，劇中天宇飾演黃智賢年青版，活動中黃智賢大讚能讓天宇飾演他實在太好，全因為天宇「太靚仔」。天宇的角色是演回80年代，也特意佩戴一個假髮造型，「嗰個假髮係郭富城嗰個款，咁唔係嗰個能夠駕馭得到，自己都係第一次咁造型，幾有趣，不過我覺自己駕馭唔到，但大家都話我ok，係似。」其實身為「男神」的他，甚麼造型也好看。
《跳躍生命線》及《是咁的，法官閣下》兩套也是台慶劇，8點半後播放完《生命線》後便到《是咁的》，兩套劇集天宇亦有演出，他直言感覺奇怪：「我初頭以為係接住《生命線》播，但依家變到咁，有少少緊張，因為造型真係好唔同。」
說回黃智賢大讚天宇是「男神」，在訪問中天宇回應其實自己已經去到中年了，「我唔夠後生嘅嚟。」天宇自覺其實自己是保養不好的藝人，他憶起當初拍《愛回家》常被黎諾懿取笑，「成日畀佢話我似老虎狗，我都唔知點解，話我皮膚可能多皺紋，所以盡量保養多少少做多少少運動。」