陳家樂為細妹婚禮打點一切　自爆阿爸求佢訂造西裝

陳家樂今天（21日）出席賽馬日活動，他對於今天的西裝造型看非常滿意。近日家樂自爆有一個煩惱，就是幫他爸爸找一套最好看的西裝：「因為我妹妹就快結婚，我爸爸係咁求我要幫佢度身訂造一套好Fit size嘅西裝，因為佢以前嘅西裝係好大件顯到佢好細粒。」至於家樂自己他坦言不擔心穿著，因為他有一套「戰衣」強調是馬來西亞的設計師幫他設計。

長兄為父這一句在家樂身上絕對沒錯，因為家樂直言在他妹妹的婚禮已安排好很多事情：「我比較熟悉係拍片及影相，所以我就幫佢搵呢方面專家，可以提供呢一個服務畀佢。」問到家樂送妹妹出嫁會不會有不捨得的感覺？他笑言：「嫁出去都好嘅，有一個男人照顧佢，不過我爸爸就怕寂寞，佢都叫我妹妹一星期番嚟幾晚瞓，佢好似驚畀佢老公搶走咗咁，要佢分一半時間畀佢咁。」