【後生仔傾吓偈】麥明詩17歲「第一次」中秋獻男友：打成晚茄輪

情到濃時有啲親密行為其實都正常嘅。（電視截圖）

馮盈盈及麥明詩兩位香港小姐冠軍出名言論出位加貼地，所以《後生仔傾下計》一直都有不錯的收視和話題性。適逢中秋佳節，兩位港姐與一班大學生就講到戀愛的話題。不過當話題轉到關於中秋節時的戀愛往事，麥明詩就大爆自己17歲時經歷。「嗰時啱啱拍拖冇耐，我諗係7月度開始拍拖嘅，第一個浪漫啲嘅節日就係中秋節囉。嗰時係初戀同第一個男朋友過中秋吖嘛，成晚都有點蠟燭嘅，不過主要就係『打茄輪』。」

「打茄輪」其實都好正常，你睇馮盈盈完全唔覺係咩一回事咁就知啦。（電視截圖）

麥明詩語畢之後全場嘩然，不過坐在一旁的陸浩明（6號）以及馮盈盈聽完之後就完全唔覺係咩一回事：「好正常啫，唔係唔知吖。」麥明詩笑著回答：「我覺得我媽咪都知（去見男朋友），仲叫我著靚啲咁樣。」陸浩明（6號）好奇的問：「係去公園定邊度？」麥明詩：「係吖，公園。」麥明詩答完之後好似尚未滿足，繼續說：「跟住『打茄輪』打到俾人『睥』添。」陸浩明（6號）替麥明詩分析：「因為公園多人吖嘛。」麥明詩：「因為個個點晒蠟燭好光吖嘛。」唔知麥明詩媽媽當時知唔知呢？估唔到麥媽媽又幾開明㗎喎。