Super Girls學整月餅　Aka重提中秋傷心事：勁Dry

日前組合Super Girls作客TVB娛樂新聞台節目，與主播許文軒〈Edmond〉齊齊製作中秋月餅，幾位大讚師傅後生靚仔，製餅過程中笑料百出，五位成員更分享過往中秋節趣事。成員Heidi直言最愛吃奶黃月餅，她說：「有一年食咗好多個，足足肥咗十磅！」Jessica說：「上次演唱會之後，我哋做gym做上癮，所以唔怕食，好快減得返。」而Aka則分享過往中秋的傷心事，她說：「有一年中秋正日，同屋企人去黃金海岸沙灘賞月，但去到沙灘，我爸爸媽咪仲有阿妹同佢男朋友兩pair各自行咗出去，淨返我一個人睇咗袋，成件事好唔浪漫。」

不經不覺Super Girls五位成員已相識七年，她們直言改變不少，Aka說：「我地好似老夫老妻咁，有好多野大家都直接講，唔使客氣。」Cheronna說：「諗返起初初相識，公司要我地五個聯誼增進感情，其中一個Schedule係要我地排完舞後食飯唱K，我地心諗咩行程嚟，排完舞寧願休息下啦！」現在五人一見面即雞啄唔斷，過程中更互爆秘密，她們直指Aka為最Dry的成員，因為曾有相士指Aka五十一歲才會結婚，而Jessica被眾人認為是最快生兒育女的成員。