李靜儀Heidi母愛泛濫被催婚　Super Girls敷mask敷上癮　

女子組合 Super Girls成軍7週年，最近推出快歌《閨蜜專用》，記錄5位女生如李靜儀Heidi，7年間各種經歷，回憶一起的甜蜜時光及共同闖過的難關等，當中的默契牢不可破。Super Girls一起成長、一起追夢外，亦跟普遍女生一樣，閒時最愛分享扮靚護膚的心得，實行要靚就要一齊靚！

為了新歌的舞步，5位成員最近每日於排舞室苦練至凌晨，經常捱夜，貪靚的她們也擔心肌膚變差而影響狀態。不過最近Super Girls護膚品牌睇中，為品牌拍攝廣告宣傳片，同時為她們經常捱夜的肌膚急救。拍攝當日，5人需於鏡頭前搽面膜同時保持樣子甜美青春，當中Heidi在拍攝時更主動熱情指導小演員，鏡頭後亦與對方玩得非常開心，哄得小演員經常大笑，顯露出熱情母愛的一面，結果遭現場工作人員「催婚」，令她尷尬大笑。

經過一整天的拍攝，眾成員似乎敷面膜敷上癮，cut機等埋位後即換上新的面膜不停敷，而5人更將現場變成美容節目，你一言我一語分享各自的護膚貼士，Aka表示︰「我們都很愛美，光是護膚就能聊數小時了，所以我們一起工作，時間過得特別快。」向來「男仔頭」的Cheronna趁機為自己「平反」，她表示︰「其實我都好貪靚，應該話我係最貪靚嗰個，我覺得女仔嘴唇先係最吸引人最sexy的地方，睇我就知啦！」不過Jessica則認為養生才最重要︰「我平日會吃水果代替零食，追求由身體內散發出來的美，you are what you eat，所以食得好，身材、皮膚都會好。」