盧宛茵影視兩棲都唔夠　仲要踩埋入樂壇：咩都試下囉

今時今日香港的唱片業不景氣，即使是職業歌手都未必有機會可以出碟，不過最近憑住演出無綫劇集《BB來了》Madam Lo一角而人氣爆升的盧宛茵，卻準備出碟大曬歌喉。現年65歲的她將會踩入樂壇做新人，原來她自小已經好鍾意音樂。她唔止同衛蘭撞樣，就連唱功都有得揮，擅長唱爵士樂曲，唱起歌時一把磁性聲音極好聽。

Madam Lo話家人對她決定出唱片都十分支持，覺得就算已經一把年紀都依然可以為夢想而努力一試。而她的唱片亦都開始籌備了，唔知她呢位樂壇新人趕唔趕得切於今年出道呢？她接受《香港01》訪問時表示：「無咁快，唔會係今年嘅事，好初步咋，係有咁嘅計劃但係咩都未實行，諗住咩都試下囉，自己一向都鍾意唱歌，一直都有班朋友間中一齊Jam下歌，出碟嘅話我都係唱英文歌多。」至於是自資定抑或是有唱片公司幫她出碟，她說：「未知，現階段真係好初步，睇下有無人投資啦。」