【BB來了】李佳芯當面鬧爆奶奶盧宛茵心理變態 連港媽都唔撐？
《BB來了》收視創下今年TVB開播新高，全因劇情夠寫實，大家身邊總有一位遇上類似嘅婆媳糾紛。劇中李佳芯同盧宛茵由第一集已經開始明爭暗鬥，礙於奶奶始終係長輩，Ali一路以來再不滿都係鬧爆老公黎諾懿，或者扮唔舒服走先，到第12集Ali知道Madam Lo混入媽媽谷情緒爆發，兜口兜面鬧到Madam Lo爆喊，以為女觀眾一定大快人心？播出後網上反應兩極，唔少人都表示反感。
【BB來了】李佳芯盧苑茵展婆媳大戰 新抱奶奶永遠睇對方唔順眼？
無論男定女，都有唔少志同道合嘅Groupmate，劇中Ali不時同媽媽谷嘅一眾港媽，大呻奶奶亂咁嚟嚇壞囡囡，Ali其中一句當住老公面話：「所有奶奶都係食古不化，攪攪震無幫襯，望就望啲老公生生性性唔好再做裙腳仔啦。」本身只係朋友間互呻幾句，一吐冤枉氣，點知原來Madam Lo買電話卡混入其中，當Ali知道後即時大爆發﹗
【BB來了】黎諾懿聞「媽媽谷」色變 李佳芯即Join真係港媽必入？
Ali搵機會搜出Madam Lo太空卡電話，兜口兜面連珠發炮咁大鬧Madam Lo：「真係未見過咁變態嘅女人，可唔可以正視下你心理問題？你根本放唔低你老公當年生意失敗令你做過氣闊太。但你更加放唔低嘅係，你老公在世時終日怨佢，怨到佢屋企都唔返，到死咗先知佢包二奶﹗你最放唔低係你老公將一半遺產分咗俾個二奶。你長年空虛寂寞又凍，當個仔係水泡當新抱係情敵﹗」令到Madam Lo委屈到即時爆喊。
【BB來了】李佳芯盧宛茵細膩演繹創收視新高 小品劇打出一片天
對於一啲被長期壓逼嘅新抱，Ali呢次直線抽擊鬧爆奶奶的確大快人心，好似Facebook Page「同住奶奶好惡頂」都有Share呢段，話一啲都無誇張：「其實呢套唔係劇集，係真真正正的現實。」不過唔少人就覺得，奶奶點都係長輩點都應該要留返幾分薄面，有網友留言話：「呢件新抱衰過佢奶奶n倍啦，連人哋的舊瘡疤都掘出嚟數，唔好話係奶奶，對個普通老人，都唔應該咁鬧到人喊啦，好過份！」亦有人大讚編劇無偏幫新抱，要Ali誇張演繹令觀眾醒覺：「當觀眾知道恬恬咁做唔啱，就唔會再咁對自己奶奶，This is the message!」