【美女廚房】首集網民劣評大嗌換主持 蕭正楠：我唔係咁易放棄
撰文：林迅景
出版：更新：
《美女廚房》第1集播出後，網上一遍噓聲投訴3位主持功力不濟，更有不少討論區留言要求換人。蕭正楠接受《香港01》訪問時說：「唔可以咁樣嘅，即係，即係，即係我我唔係一個咁容易放棄嘅人囉。除非公司唔使我拍，如果唔係我會加油好堅持。」
作為主持之一的蕭正楠出席《宮心計2深宮計》播放量祝捷會時表示：「其實我都未睇網上留言，所以未太清楚。不過都係預料之內，因為一部咁經典嘅綜藝節目，隔9年再播，大家會好有期待，所以我都知呢個係困難中嘅困難。」
蕭正楠又笑說：「夏日炎炎，當俾啲歡樂大家。我都唔預期可以再創高峰成為經典中嘅經典，我哋真係想拍個節目大家開心下。第1集嘅問題我諗觀眾睇到之外，其實我哋都留意到，所以第2集開始我哋已經改良咗好多，希望大家見到啦。」蕭正楠回顧第1集，亦發現不少需要改進之處。「其實我真係做主持初哥，我都係跟緊農夫吖，阿Bob佢哋學嘢，點樣可以令到觀眾笑，好彩第1集搵到佢哋一班勁嘅主持，仲有Tony（洪永城）。其實第2集我都放咗啲，起碼講嘢方面有新睇法。」