【美女廚房．任噏亂評】剪接差主持悶　農夫再搞笑都救唔返個節目

《美女廚房》新一輯終於正式登場，如果唔睇節目最前一部份，真係以為主持係農夫同洪永城。

張振朗、蕭正楠同阿Bob？好明顯俾農夫搶晒戲。其實第一集《美女廚房》播放之前，網上討論區都一遍噓聲直踩「冇暴龍哥同万刀甲就唔睇」。果然第一集節目亦如大家所料一樣，一個字「悶」。

【美女廚房】重溫當年經典畫面 G.E.M.嘅廚藝連現場觀眾都頂唔順

【美女廚房】美女學徒程美段Kiwi形象百變 影過藝術全祼寫真

【美女廚房】美女學徒洛兒Lokyii名花有主 男友係電競世界冠軍

「好在有農夫」
當然，呢個「悶」字是建基於第1，2輯《美女廚房》的基礎上去評論。畢竟第1、2輯《美女廚房》可以用「集集新鮮，集集甘」來形容。「假㗎啲奶」、「火燒廚房」這些gag位真的是一個接一個。來到第3輯《美女廚房》，卻沒有觀眾預想中的畫面出現，睇完真係有啲失望。

這一類型節目需要主持帶動整個節目的氣氛，以及擔起與嘉賓互動再而引出笑料的責任，但是張振朗、蕭正楠及阿Bob3位主持就似乎欠缺綜藝感。整個節目中，張振朗蕭正楠亦近乎是透明人一樣可有可無，反而擔任嘉賓的農夫不時有笑話炒熱氣氛。例如眾人試食黃心穎的炸蝦球時，C君就會笑「個蝦球食落似炸雞批」、陳凱琳煮扁意粉時，農夫又會笑只有「貶義」（食字爛gag）。這些都是暫時3位主持人所欠奉的。

【美女廚房】美女學徒TVB代表精選 王卓淇識「食雞」係完美女友

【美女廚房】一文睇晒5位素人美女 打碟DJ洛兒隨時係全場最靚

「剪輯鬆散」
再講，睇《美女廚房》唔通真係睇嘉賓煮靚餸咩？大家最期待的，就當然是女嘉賓的地獄料理加上男主持被迫「上戰場」的痛苦。網民都有講：「嘉賓主持個反應先係《美女廚房》嘅精華所在。」而諸如「剪輯畫面鬆散」、「成班美女學徒做陪襯」等網民留言又的確有錯唔晒。不過，需不需要「罷睇」呢？其實又未必。

「下集會更好？」
今次TVB可謂是投放了較多資源在節目中，場景設計、食材選擇，又或是今次新增加插的環節「估女廚神是誰」都可以算有心機。與前2輯不同，今次特別加碼成20位「美女學徒」也能為節目制造話題。正如幾位主持人所說的，節目尚在調整磨合當中。3位主持雖表現麻麻，但節目也未到需要「罷睇」階段。希望下集就如阿Bob在facebook上所說：「之後嘅集數一定會越做越好。」