森美自稱係陳豪第三者 講笑話想推陳茵媺落台
撰文：冼燕珊
出版：更新：
今日（12/5）陳豪(Moses)、陳茵媺（Amiee）夫妻檔出席活動，森美擔任司儀，大頭Ｂ同笨蕉（TVB劇集《誇世代》角色）呢對「熒幕情侶」再次碰頭，但中間隔住正印陳茵媺。
森美在活動後，同陳氏夫婦合照時，仲攬住阿Mo 話自己係「第三者」，仲講笑話之前上TVB 唱《聽海》其實係唱畀陳豪聽。森美接受《香港01》訪問時說：「我都爭啲唔記得同阿Mo 傳過緋聞，如果我記得，頭先陳豪餵湯我就應該衝出去唔畀佢餵，好似《上海灘》許文強咁大叫『程程』，推陳茵媺落台。」
其實森美都係講笑搞吓氣氛而已，實情係佢太太 Veronica 因為要陪囝囝去英國讀書，所以兩公婆要分開一段時間，見到陳豪夫婦咁恩愛，一時間感觸，突然想念同太太相處嘅日子。好在依家通訊好方便，森美早晚都可以同太太傾到計，佢仲話其實《聽海》係唱畀太太聽，《聽海》嘅歌詞係這樣寫的：「寫信告訴我今天，海是什麼顏色，夜夜陪著你的海，心情又如何。」一對結婚十幾年的夫妻，因為分隔異地，小別一段時間，還會掛住同太太相處的點滴，仲會咁渴望知道對方每日過成點，真係超級浪漫。