陳豪又爆愛妻金句 陳茵媺:懂得互相感恩

撰文:冼燕珊
出版:更新:

陳豪和太太陳茵媺 (Amiee) 今日(5月12日) 夫妻檔出席義賣活動,每次兩公婆一齊出現,在場人士都應該戴返副黑超保護對眼,事關佢哋真系勁Sweet!小至陳豪一個細微的呵護動作,換來 Amiee 勁冧的甜笑,大至陳豪開到聲大讚老婆,都令現場單身人士受到十級傷害。

陳豪陳茵媺夫妻檔出席活動,大放閃光彈。(黃國立攝)
陳豪陳茵媺夫妻檔出席活動,大放閃光彈。(黃國立攝)

森美自稱系陳豪第三者 講笑話想推陳茵媺落台

森美大讚古巨基份人好MAN 非第一次忍痛繼續表演

活動司儀森美叫陳豪分別為媽咪、外母、太太同女兒,挑選適合佢哋嘅湯水,結果佢揀咗「神級Fushion 湯」畀老婆,陳豪解釋:「因為佢系女神!」繼「She is my queen」後又一金句。不過 Amiee 都唔弱,老公喂湯畀自己飲,森美笑問 Amiee 系啲湯甜啲定還是老公喂甜啲,Amiee 甜笑回應:「湯好甜,但老公喂更加甜。」

陳豪喂老婆飲湯,Amiee大讚老公喂得特別甜,勁Sweet!(黃國立攝)
陳豪大讚老婆系女神。(黃國立攝)

「贊老婆系應該嘅。」陳豪說:「唔系講假話,坦白講,老婆為頭家真系唔容易,系一個艱難嘅工作,要湊小朋友真繫好辛苦,無論繫心理同生理上都系,我作為丈夫,講兩句甜言蜜語算得系咩,我唔鐘意講假話,我講嘅都系真話。」Amiee接著說:「系Sweet from heart,我哋唔系特別去贊,我哋都系咁教小朋友,見到身邊人做得好,會感恩讚美。」懂得感恩對方為自己付出的一切,就是陳氏夫婦的婚姻之道。

+3
正在加載