森美大讚古巨基份人好MAN 非第一次忍痛繼續表演
撰文：冼燕珊
出版：更新：
歌手古巨基昨晚在他的個人演唱會中，不慎跌落升降台受傷，大家都很關注他的傷勢。基仔好友森美今日出席活動，回應基仔受傷一事，他表示很擔心，而基仔今次跌落升降台，之後起身忍痛堅持完成表演，令森美回憶起一段跟基仔的往事。
「之前同佢一齊做森美小儀歌劇團嘅舞台劇，有一次佢綵排踢開個沙包，因為驚踢到人，點知一踢佢就扭親條腰，但佢無同我哋講佢扭親條腰，直到完成舞台劇之後先講，佢話驚影響大家嘅演出。」森美說基仔那次扭傷並非一般傷勢，他醫治了幾年才康復，可想而知當時有幾痛，傷勢不輕，森美續說：「佢為咗演出，幾痛都會捱落去，你唔好睇佢成日嘻嘻哈哈，好似大男孩咁，其實佢係一個好MAN嘅人，就算佢幾痛都好，都唔會話畀大家聽，繼續笑住演出。」
同場活動嘉賓陳豪、陳茵媺(Amiee)夫婦，昨晚剛好就在演唱會現場，親眼看著基仔跌落台，Amiee 回憶昨晚的情況，仍然心有餘悸，「驚呀驚呀，嗰吓我哋都好緊張好擔心。」陳豪補充說：「我初頭以為係表演嘅其中一個項目，時間一耐就開始覺得唔對路，全場靜晒，知道佢真係發生意外，就開始擔心佢受傷程度，直至佢出返嚟先安心，不過見佢應該係捱住痛表演，好堅強，好欣賞佢。」
古巨基開騷玩感性：而家做歌唔係為咗做情歌 而係想為香港做更多