【降魔的捉妖遊戲‧多圖】岑麗香索爆狐仙搶曬鏡　期待香香再出場

呢套《降魔的捉妖遊戲》有好多藝人參演。(電視截圖)

無線劇集《降魔的》已經播完幾個月，不過觀眾同網民依然無忘記呢套劇，仲好期待會出續集，而TVB亦一直有推出相關節目來為大家止渴，昨晚就播出了《降魔的 捉妖遊戲》第一集，有份演出的演員包括何依婷、鄺潔楹、陳凱琳、蔡思貝、餘德丞、何廣沛、林盛斌及梁烈唯，當然仲有《降魔的》班底包括飾演馬季的馬國明、飾演石敢當的胡鴻鈞、飾演啤啤的劉佩玥、飾演莫有為的蔣志光、飾演龍貓的何遠東，以及飾演魔Salvia的黃智雯。

不過，成集最搶鏡的卻是出場只有1分18秒 (出場時間22:50-24:08)的岑麗香，香香今次飾演狐仙，出場時配埋白紗飄揚的迷霧效果，帶點古裝扮相的髮型以及全白襯毛毛的造型，再加埋香香本身個靚樣，真系仙氣出曬嚟呀！揾香香做呢個狐仙角色確係好適合，完全唔會有妖或者狐狸的感覺，反而似仙女多些，完美演繹到「仙」呢個身份的特質。雖然今次沒有香香的招牌甜笑，但cool cool地的她，依然靚到dum一聲。