【金宵大廈】劇情要突破過《降魔的》　編審羅佩清：有曼德拉效應

《金宵大廈》新劇今日舉行拜神開鏡儀式，焦點除了集中在陳山聰第一次做男主角之外，《降魔的》編審羅佩清也是重點之一，事關《降》劇上年好評如潮，大家都覺得個故仔十分之有意思。不過今次《金》劇有別於《降》劇，因為不是放在黃金時段播放，而是放在星期日的炮灰時段。

不過如果是一套好劇，放在朝早六點一樣會有人睇，關鍵在於好與不好，羅佩清說：「每個單元故事都有一條主線串連住，係一套現代《七十二家房客》但有科幻奇幻元素，主線係前世今生嘅故事，會講夢、寓言、自然力量，會有曼德拉效應，有UFO，會好似《智能叛變》咁。每個單元都有獨立故事，都有自己特色嘅奇幻色彩，不過就唔同《降魔的》，係無妖魔鬼怪嘅，今次係比較接近衛斯理嗰種奇幻，集中香港地道嘅故事，會有訊息想帶出，係一個新嘅嘗試。」嘩，又《七十二家房客》又《智能叛變》，真係好想佢即刻拍完即刻有得睇。

不單止這樣，她還表示今次直程要借鏡英劇《黑鏡》：「唔同於《降魔的》，今次係單元劇，如果《降魔的》係有實驗性質，呢套個實驗性係更加強。我無特別去諗有咩最爆，大家編劇圍內度啲最有共鳴嘅故仔，例如高海寧嘅故仔係講校童抑鬱，有個係講香港社會對女性美嘅追求，例如瘦同整容呢啲。我哋諗個格式係有啲似英劇《黑鏡》，每個故事本身唔複雜，但係就想玩得極端啲同盡啲，將個訊息帶出嚟。算係港版《黑鏡》，但我哋未去到好科技，始終香港人未必適應呢啲元素，所以要擺返多啲本地因素，希望大家睇得有共鳴。」希望今次編審可以將《降魔的》嘅好評帶落呢套劇，大家繼續期待喇！