【降魔的】馬國明受鄭嘉穎所託護花？　陳凱琳：我人緣好啫

在《降魔的捉妖遊戲》記者會上，進行小遊戲時，馬國明明顯放水予陳凱琳（Grace），對其他與會藝人就不太客氣。原來因為鄭嘉穎，事關Grace向《香港01》說：「馬明就好錫我嘅，可能因為佢同嘉穎好好朋友，所以節目拍攝嗰時佢一見到我，就已經話得啦我會睇住你架喇，我唔知佢受咗邊個指令啦。」

不過遊戲節目拍攝時，馬明實在太照顧Grace喇，令到其他人有怨言。「有個遊戲要倒啲果汁同紫米露嘅時候呢，馬明就偏偏揀水嚟倒我，其他人就：“嘩！我哋黐立立濕晒，點解Grace就清水嘅？”我唯有話唔知呀，人緣好囉。」其實有馬明護花都只能護得一時，別忘記有林盛斌在，他一點也沒憐香惜玉，以塗滿果醬的雙手摸勻Grace塊面。

據預告，Grace進行遊戲時，周圍都總會響起「鄭嘉穎」三字，她指在場人人都曳，講個不停，就連馬明都跟著起閧：「不過我ok嘅無乜所謂，知道佢哋為個效果搞笑吓啫。」