【預算案】送海洋公園飛有冇用？ 靚媽趙頌茹：希望個個都有
撰文：溫菁莉
出版：更新：
相信今日的社會焦點，必定是財爺陳茂波發表的新一季財政預算案。市民最留意嘅就一定自己有無受惠，其中一項就是未來數年會合共撥款3.1億元支持海洋公園發展教育旅遊項目，並在未來一年向本地中小學生提供1萬張免費入場券。好多市民都好關注究竟呢一萬張點樣分呢？記者就訪問了有兩名分別7歲同4歲的囡囡趙頌茹(阿yu)對於今次預算案的看法，「作為家長，我會諗政府會唔會有其他嘢俾返大部分嘅學生，而個個都可以用到嘅，政府都不如俾多啲資源俾其他學生。」
相關文章：
【預算案】港姐冠軍季都未交過稅 亞軍何依婷：派錢幫助唔係好大
+9
其實香港點會只有1萬名中小學生，有網友指出現時中小學生人數（小學生人數：349 008 中學生人數：338 152/2016-2017），即係要70萬人去搶1萬張飛。網友們均認為實政府一係唔好派，一係就派到盡。阿yu表示知道有好多基層家庭未必有咁多預算帶小朋友去樂園玩，「我知道對佢地係好嘅，但唔知呢一萬名包唔包括我地。但如果政府可以再俾多少少，個個都有用到，咁大家都開心。」
她其後亦指對兩名囡囡的要求都儘量滿足，「其實帶佢地去樂園嘅次數真係唔多，可能隔一兩年先會去一次。」阿yu指香港成長的小朋友假期唔係好多，「我嘅管教方式假期就唔一定只去樂園玩，都會去下其他地方。」