【預算案】港姐冠亞季都未交過稅　亞軍何依婷：派錢幫助唔係好大

撰文：張嘉敏
出版：更新：

最新一份財政預算案已經出爐，將會退稅上限3萬元，亦會派糖人均達$7500，不過就不會全民派錢喇，咁當然有人讚好有人批評啦。其實要納重稅的人先可以退足3萬，今日TVB舉行新春團拜，作為無綫助理總經理的杜之克對於退稅就表示歡迎，話自己每逢退稅都會受惠，至於他會點用退稅的3萬元，他說：「未諗，或者用嚟去旅行又或者捐獻，幫助其他有需要嘅人，好多可能性，有得退稅好吖。」

杜之克話自己每逢退稅都會受惠。（梁碧玲攝）
（左起）張寶欣、黃瑋琪、何依婷、雷莊𠒇都無得受惠於今次退稅。（梁碧玲攝）

2017年港姐冠軍雷莊𠒇、亞軍何依婷、季軍黃瑋琪以及Big Big Channel最受歡迎港姐張寶欣就無得受惠於今次的退稅方案喇。何依婷說：「我上年第一年做嘢唔使交稅，今年開始要交，希望賺多啲交多啲，咁第時就可以享受退稅，最好交到可以退足3萬啦。」雷莊𠒇就話自己唔太了解香港交稅機制，以往都是由父母負責處理，黃瑋琪同張寶欣則仍未試過在港交稅。

何依婷話政府做好改善民生政策緊要過派錢。（梁碧玲攝）

對於香港政府庫房水浸都唔派錢給市民，只派糖，何依婷認為最緊要是幫到市民：「道理就好似係你教佢釣魚定係畀條魚佢，咁我覺得派錢係一次性嘅，幫助真係唔係好大，係有即時嘅幫助，但我覺得最緊要嘅係要做好點去改善民生，例如工資工時嘅問題，低收入家庭可以賺多啲錢，多啲工作機會同好啲嘅待遇，醫療同教育制度點樣去改善，點去提高普通市民嘅收入水平等，做好呢啲先係最重要。」而黃瑋琪就好樂天咁話：「我覺得香港政府都希望畀到最好嘅市民。」

黃瑋琪竟然相信政府希望畀最好嘅市民。（梁碧玲攝）
+2