【預算案】夏雨囝囝黃奕晨贊成派糖畀基層：無謂大家攬炒

香港新出爐的財政預算案，將會向基層有需要的學生一次過發放2,000元津貼，換言之不是學生兼不是基層學生就無得受惠，夏雨仔仔黃奕晨 (Dixon) 畢業多年，派$2000當然無佢份，但對於今次政府派錢給基層學生的政策亦表示歡迎：「咁真係幫到好多窮苦學生，對於基層家庭嚟講，其實$2000已經可以幫輕好多，啲小朋友返學嘅書簿費好重皮，呢$2000可以畀佢哋拎嚟買書，有啲好窮嘅家庭真係好需要呢筆錢。」

有市民批評政府今次的派糖政策，只會令領取綜緩的家庭得到最大益處，唔返工反而有錢派，普通打工仔市民卻未能受惠，對此Dixon說：「咁全民派錢梗係最好，但派糖畀啲綜緩家庭都係幫，講真拎綜緩拎得幾多吖。我唔會因為自己無就眼紅人哋有，自己無就人哋都唔可以有，始終啲政策都會幫助到有需要嘅人，無理由自己無份就要大家一齊攬炒㗎嘛。」