【渣打馬拉松】余德丞相隔4年再挑戰10K賽：如果半馬就太辛苦
撰文：洪曉璇 林迅景
出版：更新：
近期人氣急升嘅TVB小生余德丞（Dickson），身為游泳健將身型勁Fit，拍劇都有唔少Show肌鏡頭。除咗游水之餘佢都不時有跑步，今日Dickson就參加咗2018渣打馬拉松10公里賽事，相隔4年再次參賽，以49分50幾秒成績完成，衝過終點後大汗淋漓嘅Dickson接受《香港01》訪問時話：「4年前跑過52分鐘，自己目標都係唔好慢過呢個時間，對成績都幾滿意好開心。」
【渣打馬拉松．多圖】蔡思貝半馬勁快跑完：比目標時間快咗2分鐘【渣馬2018】余德丞自言唔夠蔡思貝跑半馬咁勁：我跑10K都幾辛苦
做任何運動都要做足熱身同準備，Dickson參與今屆渣馬10公里賽，第一組朝早5點9起步，他早在4點幾已抵達北角東廊賽事現場，做定熱身拉筋運動。最終成績49分50幾秒，Dickson就話：「如果下年再參加當然想再快啲啦，不過跑步真係要好長時間訓練，對我嚟講十公里已經係好長距離。（會唔會好似蔡思貝咁跑半馬？）應該唔會啦，佢讀書已經跑開我就游開水，業餘玩下十公里都可以，如果半馬就太辛苦啦。」