陳婉衡無懼「禁色令」　挑戰同場日本女優：我冇收到特定通知

桃乃木香奈本今日（12月1日）就旋風式到訪香港《人中之龍2》舉辦的遊戲宣傳活動，同場更有TVB的陳婉衡（Alycia）一同出席。不過陳婉衡一身銀色低胸短裙似乎就有違無綫的「禁色令」。

對於這件事的看法，她就解釋道：「我之前都有收到個memo，其實我好尊重公司嘅policy（政策），因為個list講嘅都好保護到公司嘅女artist（藝人）。不過我暫時就未收到特定通知要求衣著係點。（但係你今日衣著好性感喎。）我覺得做藝人，著咩衫都係比較被動。就算係拍戲或者拍劇，好多時都要因應返個角色去著衫。同埋宜家冬天，我都唔會著得太性感。同埋我都覺得幾好，可以令大家嘅focus（焦點）放返喺藝人拍嘅戲同埋演技上面。」

陳婉衡接受《香港01》訪問時提到，自己最近正在為無綫的新節目訓練中。「下星期7號就會去馬來西亞新山比賽，有個障礙賽要參加，宜家都喺度train緊。佢有少少類似軍人訓練，要浸哂個頭落啲泥水，要爬泥吖，揹沙包個類，同行仲會有林泳淘，林師傑。（點解會參加個比賽?）嗰時係公司安排我去參加呢個比賽，不過就仲未有節目名。」

雖然個越野比賽聽落都好好睇，但是大家應該會比較有興趣陳婉衡在《3日2夜》中的表現。陳婉衡：「如果個工作時間表就到嘅就應該大概１月份去。預計應該會去北海道，仲會滑埋雪添。（浸溫泉呢）暫時未知有冇，因為今日先啱啱收到通知。」最近開播的《3日2夜》經刪剪之後就變成了「減甜版」，睇嚟今次北海道拍攝都應該冇浸溫泉環境啦。