劉佩玥交到戲又有觀眾緣　攞「女飛躍」獎機會大

近年大台流失一批批小生花旦，紛紛出走內地搵人民幣，因而令其他二﹑三綫小生花旦極速上位受力捧，其中一位就是港姐出身的劉佩玥（Moon ）喇！自四年前當選港姐季軍之後，就受捧不停劇接劇拍唔停至今都拍了超過十部電視劇，呢一兩年更憑《城寨英雄》﹑《幕後玩家》愈拍愈入屋，成績有目共賭，理應有資格喺舊年攞飛躍進步女藝員獎，講緊係TVB個個《萬千星輝頒獎典禮》。可惜最後輸畀「最強小三」李佳芯，當時就有人替她感到不值。不過今年她攞既機會就大喇，唔少電視友都睇好吹捧她，完全無得再輸啊！

其實睇返阿Moon 既表現，講真人緣演技又真係唔差。外形甜美既她甚有觀眾緣又後生又靚女，做既角色演咩似咩戲路都算幾廣。就好似《城寨英雄》中飾演柯德莉溫柔體貼，又小鳥依人做出小女人角色；《幕後玩家》中飾演狐狸精葉燁似模似樣，做出小三的溫柔體貼誘惑的一面令人印象深刻。到今年《降魔的》貝貝娜（啤啤）一角，令人再見到她另一層次的戲路，又純又天真完全無突兀感，受到唔少觀眾鍾意。

做奸又得做忠又得﹑做小三又得做純情妹妹又得，真係咩都得啊！正正因為她樣樣得有實力加上有外形，絕對好過另一班港姐蔡思貝﹑陳凱琳（網民意見），大家對她有讚無彈。雖然今年只係得一部《降魔的》播出算係重戲份的角色，另一部《誇世代》只係客串性質，不過都無損她今年被譽為大熱人選，今年絕對有機會問鼎飛躍進步女藝員獎。

雖然有實力有觀眾緣不過都要講運氣既。舊年輸畀李佳芯其實都唔算輸，遇強則強都大家都係用實力講說話既人，無得做第一就做唯一囉。如果講到真係不值2015年陳凱琳攞飛躍進步女藝員獎，更加令人覺得….你知道既，如果今年真係攞到咁算係「實至名歸」，睇好你阿Moon。