【誇世代】歐陽震華被珍姐欽點拍賀歲劇　「我諗住搬返去TVB住」

無線50集重頭劇在星期一（11月6日）就會正式開播。除了有阿田（田蕊妮），陳豪，李佳芯之外，仲有闊別了TVB一段時間的Bobby（歐陽震華）。原來Bobby的回歸，其實唔多唔少都要多謝TVB的曾勵珍（珍姐）。「咁就梗系珍姐啦，珍姐直頭話50集系賀TVB 50台慶。咁我就嗱嗱聲執定行李返嚟啦，我諗住搬返去住半年，嗰半年唔返屋企架啦。其實我哋好簡單架啫，珍姐同我講：『咦，50集喎，返嚟開啦。』」

Bobby夾阿田真繫好正。

《誇世代》這套劇的另一個亮點，就莫過於是Bobby與阿田的首次合作拍攝TVB電視劇。Bobby接受《香港01》訪問時更說，其實他一直都有追看阿田的電視劇演出。「自從我睇完佢套《迷》之後我就覺得佢系一個高手，真系做得好好。我係佢fans，佢又系我fans。其實阿田仲唔止系我fans添啦，佢由細睇到我大。」而剛剛在訪問時路過的阿田，也加入了訪問。「系吖，我由細睇到佢大。」之後問到阿田對Bobby的熟悉程度，阿田更如數家珍的數出了幾套Bobby的經典劇集。不過問到Bobby的第一套劇時，就考起了阿田。不過事實上，連Bobby自己都差一點忘記了。