【降魔的‧懶人包】馬國明大膽試新題材　無綫算有創意值得期待

《使徒行者2》播畢後，緊接上演的是由馬國明、黃智雯、胡鴻鈞和劉佩玥主演的《降魔的》，作為年尾播放的劇集，這套雖然臨時被列入今年TVB 50周年的台慶劇（當初7套台慶劇分別是：《使徒行者2》、《大帥哥》、《老表，畢業喇！》、《天命》、《誇世代》、《溏心風暴3》，以及《宮心計2深宮計》），但卡士比起其他劇實在有點差距，不過並不代表它沒有觀賞性，反而隨時比其他劇集更加吸引。

首先，這是一套有鬼魂出現的驚悚劇，不過放在9點半，大家也不用期待它有多恐怖。馬國明是飾演一名有陰陽眼的的士司機，一直暗戀做醫生的黃智雯，而胡鴻鈞是一隻石頭精靈，因為馬國明一次無心插柳下而變成人形，所以一直當他是恩人，劉佩玥跟馬明是一對鬥氣冤家，做一個非常怕鬼的靈異節目主持。

其實香港好耐已經沒玩鬼怪呢個題材，仲要配合埋的士，真係都算係異類。其實呢個題材都有段故，事關今次無綫搞新意思，劇本係由「重重有賞」計劃衍生出的電視劇，即是由無綫員工提供的劇集故事，結果由李松年先生所寫的劇本得到取錄，並且贏得一萬蚊獎金，雖然寫個劇本得一萬蚊真係少咗啲，不過都叫鼓勵創意呀。

而今次《降》除了正劇之外，仲會有另一套網劇《降魔的番外篇 - 首部曲》一齊上映，不過據知就會放喺Big Big Channel度播，有成21集，每集45分鐘，據知製作費只用了10萬元左右，認真抵玩！主角會由楊潮凱、黃建東、鄧佩儀和張曦雯擔任，馬國明仲會客串一場，估唔到TVB會搞咁多嘢喎！