《降魔的》有新橋全靠TVB員工 衰在海報竟然似一套戲？
撰文：溫菁莉
出版：更新：
今年是無綫踏入50周年，在「金禧」呢個大日子當然要大搞，劇集方面可算是排到密密麻麻。因為今個月亦開始陸續播出台慶劇，打頭陣的有《使徒行者2》及《老表，畢業喇》，但這兩套都只有30集，究竟之後會由哪一套接棒呢？原來就是由馬國明及黃智雯主演的《降魔的》以及由歐陽震華、田蕊妮主演的50集長劇《誇世代》。只不過《降魔的》的海報就有點眼熟，大家估唔估到似咩呢？
首先同大家講返有關《降魔的》的背景資料，《降魔的》意思是指會降魔嘅的士，其中馬國明就會飾演一名有陰陽眼的的士司機接載「其他空間」的生物。原本的劇集海報和字體都算是「比較」陰森恐怖，仲要有架的士車牌是「666」。至於今次新推出嘅海報就換上4位主角坐在一架的士，沒有了陰森恐怖嘅字體，沒有了666這3個寓意魔鬼嘅車牌，反而換上了與動畫片《頭文字D》有80%相似度的海報，大家最後嘅字都是一樣紅色的，唔通馬國明係拓海?！
但海報有點似都唔太緊要喇，最重要內容好睇，今次《降魔的》是TVB首次經名為「重重有賞」計劃而衍生出的電視劇，即是由無綫員工提供的劇集故事，都算係幾創新idea，唔知將來會唔會有更多呢？