【港姐2017】Nicole被foul勁愕然 暗嘲17歲Mandy傻人有傻福
撰文：郭敏玲
出版：更新：
2017香港小姐競選又來到殘忍的時刻，今日又要淘汰多一個佳麗，仲要係無綫高層余詠珊、樂易玲及節目監製陳旭亮輪住問問題，然後再親自決定淘汰哪一個，在台上的佳麗都真係滴晒汗。
經過一番三心兩意的選擇後，大會最後決定淘汰胡美貽Nicole，當宣布那一刻，她面色一沉。後來她接受訪問時，第一個感覺就是愕然，「其實都估到有自己份，但冇諗過十一分之一機會都有我份。」後來問到她在輸哪裏？Nicole確實第一反應：「我都想知點解，我自己都有諗係咩原因。我諗之後都去個旅行，等啲時間過得慢啲，之前比賽節奏太快喇，都可以畀自己反思下。」
胡美貽得知自己被淘汰，一臉愕然。(黃國立攝)
+8
草蜢暗串6號邱晴比較蠢。（黃國立攝）
剛才在台上，草蜢暗串6號邱晴比較蠢，Nicole會否覺得自己輸畀一個17歲小妹妹，又蠢過自己？Nicole笑了笑說：「都唔係嘅，始終傻人有傻福，咁又冇得咁講嘅（但會不會覺得不公平？）始終都想去到最後那天才走喇，但都冇諗名次呢啲嘢，不過又唔會咁諗嘅。」Nicole坦言自己有生意，所以都冇咩好怕，「始終都要回去refresh一下個業務，所以知道自己出局都接受了，冇得唔接受喇。」不過她表示如果有機會，不排除入娛樂圈。
+5
邱晴一臉傻氣，被人暗串都唔係好知。(黃國立攝)
【港姐2017】12號Mandy被爆黑材料？ 16歲曾參加酒商選美【香港小姐2017．採訪手記】港姐呢個挑戰 果然唔係個個挑得起【港姐2017】Big Big Channel直播淘汰港姐 4號劉穎敏台灣被out
三哥就話自己鍾意向高難度挑戰，所以揀17歲的邱晴做訓練。(黃國立攝)
至於17歲的邱晴，為人比較天真無邪。苗僑偉卻選她做訓練，笑言：「我鍾意向高難度挑戰，好似買馬咁，黑馬但賠率高。」但後來蔡一傑似乎暗示Mandy蠢，當事人聽到只懂傻笑，就話：「我為人比較大頭蝦，可能畀人覺得我發緊夢，但我之後都會學得醒目啲。（點樣可以醒目啲？）睇下人哋點做。」Mandy就話自己年紀輕，可塑性高，宣布淘汰佳麗時都沒有太擔心，因為對自己都好有信心。
以下係Nicole嘅靚相~
+8