【港姐2017】12號Mandy被爆黑材料？ 16歲曾參加酒商選美
撰文：溫菁莉
出版：更新：
港姐上月底飛去台灣拍攝完外景昨晚就終於返香港，今次外景之旅12位港姐唯一海外佳麗雷莊𠒇（Juliette）就成為各項環節的冠軍，可以話係搶去唔少風頭。而最受巴打歡迎兼今年港姐全場年紀最細17歲嘅邱晴（Mandy）今日就有報導指年半前，即去年2月曾參加酒商贊助嘅選美比賽，mandy仲著住bikini配超短牛仔褲，但計一計Mandy當時咪得16歲？
大家覺得Mandy有無變樣呢？(Facebook圖片)
+8
當時擔任酒商選美評判之一嘅仙樂都，大讚mandy好pure！
當時擔任酒商選美評判之一嘅仙樂都接受《香港01》訪問時透露，「佢嗰陣係攞冠軍，因為佢感覺好乖好pure，唔扭計，身型又高嗰樣又靚。」仙樂都仲表示Mandy嘅媽咪都係一名靚女，「佢地好似兩姊妹咁，因為mandy性格比較內斂，而佢媽咪好想mandy累積下經驗，見多啲人。」
Mandy成為男網友心中嘅佳麗都唔係無原因嘅，身高173cm而年齡都好重要，因為佢仲未成年，只得17歲，剛考完DSE，早前訪問時更透露今次成績就考得不太好。而Mandy係港姐嘅自我介紹資料中，就指自己興趣係網絡遊戲，彈古箏及畫畫等等，仲希望可以將自己樂觀積極性格感染其他人，唔知今次被爆料會唔會影響決賽評判對佢嘅影響呢？