東張西望｜黎寬怡奮鬥6年終嚐坐廠滋味：感動到想喊
撰文：吳子生
出版：更新：
《東張西望》女神黎寬怡（貓仔）透過參選《2017年度香港小姐競選》加入TVB。翌年為《東張西望》擔任外景主持，但採訪期間爆出不少話題是非，包括多次採訪嘉賓期間，因過份緊張突然爆喊，惹起網上熱議。不過貓仔經過6年的奮鬥，日前迎來喜訊，終於由外景主持升做坐廠，獲不少網民送上祝福。
貓仔今日（7/1）現身荃灣出席《慈善星輝仁濟夜》記者會，就事件接受《香港01》訪問時笑言：「其實呢個又快樂而又係美麗嘅誤會嚟嘅，因為嗰日係一個特別嘅節目，雖然係同《東張》有關，但又唔係確切係《東張》喎，咁所以呢個唔係正式嘅坐廠嚟，變咗唔係嗰次坐完之後，就有得坐廠喇，變咗之後都要睇公司嘅安排。（坐廠感覺點？）其實係好緊張，同平時考臨場嘅反應好唔同，反而係背熟啲稿，同埋要掌握啲時間要好準。（有冇緊張到想喊？）哈哈，咁又冇，反而收到叫我試吓坐廠，我係感動到想喊。」