羅天宇買雪糕夜訪香閨斷正　陳懿德終極揭關係回應一年內結婚？

陳懿德（德德）今日（6/1）現身電視城出席《萬千星輝頒獎典禮2024》「最佳男、女新人」5強候選人記者會。對於一直盛傳她與羅天宇愛很低調發展地下情，而最近羅天宇出席完活動之後，被人直擊開車飛奔買雪糕往她位於元朗的香閨相聚，戀情逐漸浮面。

德德接受《香港01》訪問時表示：「其實我冇叫佢買雪糕，而且我都冇食到個雪糕。（雪糕買到返嚟溶晒？）唔⋯唔係呀，佢係買俾其他朋友。（佢買俾其他人食你唔嬲咩？）因為我Keep Fit嘛，咁所以我而家咩都唔食啦。（咁你唔好叫佢買咁多嘢俾你食啦！）我冇叫過呀，真係唔係真㗎，好無辜呀，雪糕又冇食，又唔係我叫。（夜麻麻去你屋企喎！）唔係呀，成班朋友喺我屋企。（又係呢啲藉口！）真係㗎。其實真係成班朋友嚟咗我屋企食飯，其實我估佢自己係有嘢做變咗佢要遲啲到，大家都有話佢乜你咁遲。（嚟近呢一年佢話想結婚，你有冇咁嘅諗法？）我唔知喎，我會以工作為先。其實我嘅目標係放眼喺頒獎典禮上。」