男團Hey Brother李思捷爆唐文龍好長氣 「聽個留言都要成粒鐘」
撰文：吳子生
出版：更新：
李思捷和麥長青（麥包）今日（7/1）現身荃灣出席《慈善星輝仁濟夜》記者會，提到二人連同黃智賢、曹永廉及唐文龍組成男子組合「Hey Brother」，惹起網上熱討。麥包接受《香港01》訪問時表示：「其實我哋都識咗二十幾三十年，變咗我哋就諗吓有冇啲得意嘅嘅嘢可以玩吓呢，就係咁我哋就組成咗呢個男團。不過我係完全唔識音樂，都只係鍾意唱歌，不過好彩佢哋教我。」
思捷就大爆5個人當中唐文龍是最長氣個位：「其實我哋5個人都會有意見嘅，但嗰個唐文龍就最長氣，我喺個WhatsApp 度聽啲留言係要聽足成粒鐘，因為佢解釋得好詳細，變咗我日日都聽好多嘢。其實每個人有意見係好事，因為大家都好好朋友，咁所以係無所謂，最緊要係對事就不對人。」