黃百鳴親揭唔拍賀歲片原因　竟然同呢兩樣嘢有關

黃百鳴今日（30/10）現身尖沙咀出席「屈臣氏健康美麗大賞2024」盛會。對於雪肌蘭品牌在業界有奧斯卡美譽的「屈臣氏健康美麗大獎頒獎禮上，連續25年蟬聯全場唯一最高榮譽「至尊榮譽大獎」及多個獎項，再破業界紀錄。

黃百鳴接受《香港01》訪問時表示：「我哋做咗廿年朋友，就咁食咗廿年佢嘅產品。如果你問我點樣養生，最緊要做多啲運動，同埋喺食嘢方面唔好食宵夜，每餐千祈好食咁飽，我就選擇食到7分飽就夠，煎炸食物同太鹹同太甜同太辣嘅食物都盡量唔食，咁所以我就比較清淡啲。」

被問到今年為何不開拍賀歲片？黃百鳴表示：「我呢幾年我都冇拍。（點解唔拍？）咁又唔係嘅，有陣時拍吓，有陣時咪唔拍咁囉。咁又唔一定年年都係我拍嘅。（你有保證！）咁又唔係嘅。（會唔會度笑位好難？）係呀，喜劇係難啲，同埋喜劇演員好難搵。（而家係咪買少見少？）我希望有一啲年青一輩嘅演員可以演到喜劇。」