容祖兒自爆有風濕痛　最怕坐車冷氣吹到正︰膝頭會好痛

容祖兒（Joey）今日（25/10）出席尖沙咀汽車品牌活動，Joey經常穿梭兩地工作，原來對保姆車都有特定要求，車上配置一定要夠舒適︰「其實自己比較鍾意空間感大嘅保姆車，因為好想好似喺屋企咁，可以咩都有，同埋我喺車嘅時間係好多，有時要坐車坐6個鐘頭，如果張櫈唔舒服，條腰骨係送咗俾佢，咁所以張櫈係好重要。

而另一車上最關注的是冷氣出風位。容祖兒︰「風口位唔可以兜頭兜面咁直吹，因為啲皮膚會好痛，中醫話係身體寒嘅問題所以係咁，膝頭有時候會係好痛，係風濕嗰啲，你唔明，遲啲你就會知。（喺車上會唔會聽返自己歌？）如果做嘢嘅時候，就必須聽返自己啲歌，但如果唔使做嘢嘅話，就唔會聽返自己啲歌。」

對於好友蔡一傑早前入院做腦部腫瘤切除手術。Joey表示：「知道佢大步檻過，我都有關心佢，希望佢快啲可以再喺舞台上面騷佢最靚一面俾大家睇，佢今次呢個問題雖然唔係好大，但始終都係一個大手術，好希望佢快啲可以回復返最佳狀態。」