譚嘉儀相隔兩年再開騷 遇上風球吹襲擔心開唔成：不斷祈禱
撰文：吳子生
出版：更新：
歌手譚嘉儀（kayee）相隔兩年今晚（25/10）於灣仔演藝學院舉行《譚嘉儀 Be with You 演唱會》。kayee開騷前接受《香港01》訪問時表示：「其實知道今晚要開騷，尋晚我係緊張都訓唔著，喺張床度碌嚟碌去，仲搵啲朋友訴苦話訓唔到。同埋呢個星期聽天文台話會打，我其實係好擔心，不斷咁祈禱千祈唔好打風，最終好安全咁開騷，個心先定返落嚟。（為咗呢個騷減咗磅？）我係減咗成十磅咁多，而呢個目標都係我預期之內，如果我再減嘅話，我就會跌落3字頭Kg嘅磅數，咁梭嘅話打風真係吹得走。（瘦咗咁多咪可以買童裝衫？）童裝就真係不嬲都買嘅，高度問題係可以著嘅。」