【阿爺廚房】李家鼎譚玉瑛唱唔啱音兒歌　freestyle亂 rap小菜

李家鼎和譚玉瑛的《阿爺廚房》之前好收得，根據TVB的習慣，添食是常識吧？趁住Amazing Summer鼎爺同譚玉瑛拍住上開第二輯，上一輯就兩人Jam咗個聖誕串燒歌MV，而今日一季兩人就大唱經典兒歌《夏日熱辣辣》。

兩人原用神曲中的洗腦歌詞「夏日熱辣辣好熱好熱」主軸，再加上鼎爺freestyle撚手小菜做歌詞，雖然唔多啱音，但就完美地將夏日個種燥意帶出，望住兩人落力抹汗，又帶住草帽花圈跳舞，我心諗……不如都係煮返餸啦。

歌入面就有提到冬瓜盅、橙皮麵醬蒸豬肉，和其他古法粵菜，聽到都流晒口水，鍾意鼎爺鐵漢柔情嘅你唔使心急，因為新一輯今晚就開播喇！