黃建東拍廣告全包編導演歌　同期兼顧《福祿壽》比賽︰險精神分裂

藝人黃建東 (東東) 一向好有創意和諗頭，近日和媽媽黃葉慧茵 (Diane)獲著名家電品牌邀請拍廣告，由東東一手包辦台前幕後包括創作、導演、監製、演出以及廣告歌都是他自己作：「對上一次一人包辦整個廣告就是《平安郁》，客戶很喜歡我寫的廣告歌，所以很高興今次邀請我為佢哋創作和導演這個廣告，特別要寫首廚餘攪拌歌。其實六月嘅時候我一邊要籌備《福祿壽訓練學院》決賽表演，同時亦要趕着籌備廣告拍攝，兩邊都要度橋創作，差啲精神分裂。」

由於每次東東和媽媽合作都很有火花和默契，所以今次再度母子檔合作。不過今次廣告需要有個兒子，東東首次拍廣告做爸爸，笑言唔認中年都唔得。東東由福祿壽比賽至今總共瘦了三十磅，所以廣告造型感覺煥然一新。問到東東接下來是否幕前幕後都會兼顧：「其實自從平安郁後一直有不同品牌想搵我度橋拍廣告，而自己亦好享受創作，成日都有好多靈感，所以嚟緊希望擺多啲時間去度橋同埋寫廣告歌，希望幕前幕後雙線發展。」