黃婧靈行樓梯跣腳受傷持拐杖開工 稱痛到郁唔到否認「負擔」太大
撰文：吳子生
出版：更新：
黃婧靈（波波）今日（8/8）帶傷現身何文田香港都會大學出席明珠台《知識新天地》電視節目直傳活動，她要撐著拐杖助行，講到右腳傷勢，波波接受《香港01》訪問時表示：「日前落樓梯嘅時候唔小心跣腳跌咗落去，扭親右腳前腳掌位置，痛到郁唔到。而家我中西醫都有睇，而跌打師傅佢幫我捽隻腳咁耐，我係喊足咁耐，因為實在好痛。（係咪負擔太大所以出意外？）哈哈，今日化妝間同事都係咁講，其實又冇關係嘅，純粹係自己心急差錯腳造成嘅，絕對唔關事。不過喺我範圍內唔影響公司嘅運作，我都會盡量開工，唔想影響到節目嘅運作。」