衛詩雅YouTube頻道有底線 食物難食會拒拍：唔係你畀錢我就會拍
撰文：吳子生
出版：更新：
衛詩雅（Michelle）今日（31/5）現身圓方出席著名腕錶活動。Michelle多年前已經營YouTube頻道《衛食攻略》，不時推介平民小食及餐廳，愈做愈有聲有色，訂閱人數不斷攀升，她在接受訪問時表示：「其實經營呢個頻道，講真唔係好搵錢，當初都唔係諗住賺錢。都只係想將一啲美食介紹畀大家，如果我遇到啲唔好食嘅嘢，我都唔會放出嚟，因為都唔想影響到對方。反而我係會將真係好食嘅嘢分享畀大家。」
Michelle續說：「試過係有人主動畀錢我哋去介紹佢哋啲食物，但當我試過佢哋嘅食物之後，我係發覺啲嘢食真係唔得，最後我係冇幫佢哋拍到。我知道好多人都會睇我啲片，然後跟住去搵嘢食，咁所以我唔想令人失望，唔係話你畀錢我，我就會拍。」
Michelle透露經營YouTube頻道收入不多。（梁碧玲攝）