金式森林｜港姐莊子璇快卸任即招入新劇感忐忑：怕一開機變機械人

港姐冠軍莊子璇（Hilary）今日（30/5）現身電視城出席無綫年度盛事《2024香港小姐競選》記者會。Hilary接受《香港01》訪問時說：「踏入新一屆港姐選美又準備開始，即代表呢一年我將快要卸任，感覺好唔捨得，一轉眼我又會變成佢哋嘅師姐，咁所以我係好期待可以見到佢哋。其實我都有叫身邊嘅朋友去參加，我仲話做埋佢哋嘅提名人，同埋講畀佢哋知，參選係會令人生不一樣，會體驗到好多嘢，但佢哋聽完都唔理我，可能佢哋覺得好大壓力，同埋係會好攰。」

提到快將完成港姐職務，隨即被招入劇組，夥拍視帝郭晉安在新劇《金式森林》中合演父女關係，Hilary心感興奮：「嚟近6月中將會開拍，劇本已經喺手，變咗我而家每日都會讀，同埋試過自己望住塊鏡練戲都覺得自然，但可能一Roll機即刻變成機械人咁，哈哈！不過監製知我新手，驚我會睇太多相關影視作品，驚我會模仿咗人哋，叫我做好自己嘅角色就得。」