張寶兒堅持餵母乳　照飲酒：時間上要隔得好開，先唔會影響到

袁偉豪 (Ben) 和張寶兒 (Bowie) 今日 (28/5) 現身電視城出席無綫全新育兒真人騷節目《學神爸媽 Get Set Go！》宣傳活動。作為新手爸爸，講起湊仔Ben眉開眼笑說：「每日面對孩子成長都係好感恩，見到佢不斷咁變化，同埋開始知道佢識聽我哋講嘢，每日見到佢嘅反應，覺得係好奇妙。」

被問到囝囝識開口叫爸爸媽媽？Bowie笑言：「而家佢仲未識叫，都只係發一啲單音字，佢而家都係仲係識玩吓口水咋。（聽講好似未沖過奶粉畀B飲？）係，因為我而家係餵母乳，每都都要泵奶，所以會比較忙。因為餵人奶嘅關係，喺飲食方面我有好多嘢都要注意，就好似我而家飲嘅咖啡係冇咖啡因，同埋如果要飲酒嘅話，時間上要隔得好開，先唔會影響到啲人奶。不過煎炸嘢，甜品都可以食嘅。」