港媽實試保溫飯菜神器暖菜板　可以捲摺方便收納！大讚保溫效能佳

冬天飯菜容易快速冷掉，最近就有港媽實試使用一款「保溫飯菜神器」暖菜板，不但可以捲摺方便收納，並指「食成粒鐘都仲係熱嘅」，大讚保溫效能極佳，吸引不少網民熱議。

港媽實試保溫飯菜神器暖菜板　可以捲摺方便收納！大讚保溫效能佳

最近有港媽於Facebook群組「淘寶開心share」發文分享，自己一直都想要入手保溫飯菜神器「暖菜板」，其「由上年睇到今年」最終經淘寶購入一款可捲摺的「暖菜板」。

👉👉👉好食玩飛Instagram官方帳號開咗喇！請Follow我哋：https://bit.ly/38tlS4l

她表示，淘寶網上有甚多「暖菜板」款式，「上年大部份都係一塊過，之後出嘅就摺疊款同埋一個碟可以放一碟上去再拼埋嘅款，但考慮過收納問題，同（以及）屋企人數後」，最終選擇該捲摺款。

「佢條電線係分開，收貨時係2腳，但我就直接買左條3腳換落去用，自我感覺安全啲，加上當時因為大手入貨，所有野用埋3個月免息分期，百幾蚊個月港紙一個月，比咗錢都唔覺。」

貼文一出隨即吸引大批網民留言。不少網民好奇「暖菜板」的保溫效果，獲港媽回覆指僅使用半分鐘就開始有熱力，「入冬後仲慢慢食，食成粒鐘都仲係熱既」。至於是否平底碟才可使用，港媽則指「我用LC（Le Creuset）都暖，但用其他薄d同埋碟腳無咁話嘅就最好」，熱力亦未至於會導致燙傷。

對於「暖菜板」的清潔方法，港媽強調：「唔可以洗，我平時用完用濕布或濕紙巾抹，有油就用紙巾抹左油先。」除了捲摺容易收納外，港媽稱可以自行於五金鋪配置三腳插蘇，以更替原有的內地用的插蘇，更加方便日常使用。

至於價錢方面，港媽稱其於雙11時期入手，當時每件售價469元人民幣（約$524港元）。根據她分享的購買截圖，該款「隨心捲暖菜板」為Midea美的集團出品，目前於淘寶平台等有售，每件售價為699元人民幣（約$780港元）。大家有興趣不妨作參考。