網民鬧蛋包飯食水深！攞煎蛋包住舊飯　成本$10有找憑咩賣$80

蛋包飯食水深嗎？最近有網民討論起蛋包飯成本低，若用4隻雞蛋加上些米飯，成本頂盡$10有找，卻有不少餐廳售出逾$80「天價」。有網民形容蛋包飯只不過是「芙蓉蛋飯走餡鋪面」，食水實在深不見底！

網民鬧蛋包飯食水深！攞煎蛋包住舊飯　成本$10有找憑咩賣$80

有網民最近於LIHKG討論區內，以「成本論嚟計 蛋包飯算唔算食水最深嘅菜式？」為題發文，指「比（畀，下同）盡你4隻蛋 ，每隻$0.5 x4 = 2蚊；飯：比盡5蚊；汁：比盡1蚊。一個蛋包飯成本10蚊唔使，收你80蚊不等。」直斥現時餐廳吃的蛋包飯食水深，話題掀起一陣討論熱潮。

有網民指：「星洲炒米，咪係味精米粉；乾燒伊麵，咪係冬菇伊麵。點解咁貴，因為你煮唔到囉！炒飯識唔識，拋鑊識唔識」，認為出色的廚藝應該反映在價錢上。有網民再讚日本蛋包飯好考廚藝：「日本嗰啲真係手藝嚟，𠝹開嗰下真係有食慾，香港煎層熟晒嘅蛋放面嗰啲，就係芙蓉蛋飯走餡鋪面，不得不讚雞蛋真係一樣好高深嘅食材。」對比下，顯得香港芙蓉蛋飯食水更深。

亦有網民指出根源問題，「舖租、人工、加工費，差唔多啦不過最X街都係政府同地產商。冇舖頭會想收咁多」、「你仲未計時間成本、人手成本、運輸成本、燈油火蠟、租間鋪成本、請人成本呢？呢啲全部唔計？」認為餐廳需要將開支轉嫁至銷售價格才能為本。

另一方面，有網民指樓主的成本價格推斷並不合理：「認真問，邊X度蛋$0.5/隻咁平」、「香港湖北蛋批發都要$1，估計喺大陸當地生活先有咁平。」如果計算恰當，就不會產生此問題。