網民稱SUKIYA已跌落神檯 當年登港場景墟冚 如今排隊人龍不再

有網民最近討論起日本過江龍SUKIYA，指當年進駐香港時明明場景墟冚，於開幕首日魅力大到吸引無數港人排隊數小時，只為食碗牛丼飯，然而如今無論是黃埔還是旺角分店，身邊已經無人去排，質疑已經跌落神檯。

網民稱SUKIYA已跌落神檯 當年登港場景墟冚 如今排隊人龍不再

日本知名的連鎖牛肉飯專門店SUKIYA（すき家），在2019年落戶香港時氣勢澎湃，吸引不少食客排隊等候，人流滿滿。然而隨著熱潮過去，有網民於LIHKG討論區內以「覺唔覺SUKIYA已經開始跌落神檯？」為題發文，指「身邊已經無人去排，無論係黃埔定旺角」，引起網民討論。

👉👉👉好食玩飛Instagram官方帳號開咗啦！請Follow我哋：https://bit.ly/38tlS4l

有網民留言形容SUKIYA（すき家）：「其實都係普通嘢，根本唔應該要排隊」。平價牛丼飯的確好有日本風味，但有不少網民至今都未曾幫襯，只因為：「我到而家未食過，就係唔想食個普通牛肉丼都要排隊」、「其實喺日本只係一個價錢平民嘅連鎖丼飯店......不過嚟到香港見價錢貴過茶記仲要排隊就冇試過」、「真係唔知排咩X，但見唔洗排會入去食」。現時人流減少，反而更有興趣一試。

回應樓主「身邊已經無人去排」的講法，有網民則認為隨著SUKIYA（すき家）開業數年，質素或許稍有「跌watt」，但仍有不少人流，「唔覺得少人」、「油麻地中午12點後長期有隊」。大家又覺得如何呢？